الشاعر عبدالله بن صيدان العمري يتغنى بالوطن في يوم التأسيس

تابعوا صوت الوطن على

على صدى حرفي تدق أجراسي ..

قالت هجوسي درب قافك / مِنّا ..!

وش فايدة شعري ونبض إحساسي؟

إن كان ماهو بالوطن / يتغناا .!

أوقف فخر واعتز وأرفع راسي ..

وآقول أنا سعودي / وحنا / حنا ..

من بعد ماكانت ظلام(ن) كاسي ..

والجهل في أرجاءها / يتثنى ..

جاها الإمام وفي يده نبراسي..

السيف الأملح كم رقابٍ(ن) : حناا .!

ع الكرسي ( امعزي ) جلس متواسي

الحكم لله ثم لك عبدالعزيز : اعلنّا ..

من يوم تأسيسك وحكمك : راسي ..

واليوم شعبك في نعم / يتهنا ..

الحكم شرع الله / وفكر سياسي ..

والأمن عَم / ومجدنا / يتبنا ..!

سدنا على العالم / بوقت قياسي ..

في ( رؤية محمد ) دليل(ن) عنا ..

ذا موطني ذي ديرتي ذا : ساسي ..

واللي يقول العكس : ماهو منّا ..!

من طيبنا طابت شعوب / تآسي ..

من طابت أفعاله معه / ماشنا .!

وإن دارت الدنيا لوقتٍ(ن) قاسي ..

وقت المصايب والشدايد/ بِنا ..!

فينا الولا فطره .. وشي أساسي ..

حنا السعوديين .. حنا / حنا ..