ردية بين الشاعرين ( ناصر بن عليثة ومحمد المرواني )
![](https://i0.wp.com/sawt-alwatan.sa/wp-content/uploads/2024/05/IMG-20240501-WA0093.jpg?fit=720%2C743&ssl=1)
صاحبي ياصاحبي ياتاج راسي
لو حداك الوقت مثلي وش تسوّي
.
وقتنا ياصاحبي كله مآسي
ماصفا من عتمة الأيام جوّي
،
ماقدرت ألقى على الشاطي مراسي
الرياح إعصار والموج امتلوّي
،
والسفينة ترتجف والوقت قاسي
معتلي لكن معذبني علوّي
،
عسعس الليل البهيم وزاد باسي
والأمل من نور قنديلك يضوّي
،
صاحبي لا صارت العالم كراسي
والفراغ فباقي الدنيا يدوّي
،
وش لقى التلميذ بالعام الدراسي
والنتيجة من ورى الدرس المقوّي
الشاعر :
محمدسعيد المرواني الجهني
الرد /
صاحبي ياصاحبي خلك سياسي
الأمر يحتاج له صبر وتروي
،
مستحيل الحل في وقت قياسي
مثل ماقيل اخر الطب التكوي
،
هد نفسك لايعديك الحماسي
لا تقول إن الزمان أصبح عدوي
،
شوفني مثل الجبل سامي وراسي
والعواصف مادرى عنها سموي
،
علم الكداده أصحاب التكاسي
المهوي يعجبه هرج المهوي
،
واعلم اني يامحمد دبلوماسي
وعارفه منذ زمن ماهو بتوي
،
لن زبنت ازبن على القصر الرئاسي
الصقور صقور ماهي للتشوي
الشاعر :
ناصر عليثه المحياوي الجهني